Part. 24 #LockdownMusings #Covid19Photography

Part. 23 #LockdownMusings #Covid19Photography

Part. 22 #LockdownMusings #Covid19Photography

Part. 21 #LockdownMusings #Covid19Photography

Part. 20 #LockdownMusings #Covid19Photography

Part. 19 #LockdownMusings #Covid19Photography

Part. 18 #LockdownMusings #Covid19Photography

Part. 17 #LockdownMusings #Covid19Photography

Part. 16 #LockdownMusings #Covid19photography

Part. 15 #LockdownMusings #Covid19Photography

Part. 14 #LockdownMusings #Covid19Photography

Part. 13 #LockdownMusings #Covid19photography

Part. 12 #Lockdownmusings #Covid19photography

Part. 11 #LockdownMusings #Humanitarian #Inclusion

Part. 10 #Lockdownmusings #Covid19photography

Part. 9 #LockdownMusings #covid19photography

Part. 8 #LockdownMusings #Covid19photography

Part. 7 #Lockdownmusings #covid19photography

Part. 6 #Lockdownmusings #covid19photography

Part. 5 #LOCKDOWNMUSINGS #Covid19Photography

Anino

Animo
Asa ka man
Padulong nga
Gabi-i naman

Part. 4 #LockdownMusings #Covid19shortvideo #Covid19photography

Na-unsa ka?

Dali ra gud
Ganina ra man ka gayam-id diha
Ngano diay
Kung mag-inusara
Ra ko diri

Part. 3 #LockdownMusings #Covid19photography #Essay

Dali, Mangaon Ta?

Samtang pwerteng hinanok nako, adunay social media post nga wala katulgi sa atong mga kaigsoonan. Nisugat sa akong sayo’ng pagmata ang balita nga adunay grupo sa mga lalaki sa Lapu-Lapu City (Opon) nagbuhat og bidyo nga nag-portray sa lain-lain nga sekswal practices sa mga lalaki nga nakighilawas sa atong mga kaigsoonan sa LGBTQ (Lesbian, Gay, Bisexual, Transgender) community. Nahimo kining isyu tungod kay una, nag hisgot kini og sex ug ikaduha, og mao’y mas lawom nga rason, naghisgot kini og sex tali sa pareho og sekso. (Nota: Wala ko ka kita sa vidéo, apan nakakita ko sa public apology sa mga hingtungdan; kini aga reaksyun subay sa lakbit-saysay)

Sex isip hilas nga topic

Nahimo kini mga kontrobirsyal tungod kay ang sex hilas pa man kini nga topic ug kiwaw hisgutan sa kadaghanan; sa kasyudaran man o sa kabukiran. Bisan gani sa paggamit nakog termino nga “kayat” o "pakighilawas", lud-on tingali ang magbasa.

Isip bidli o hilas paminawon, kinahanglan gamiton ang tukma nga termino; ang Cebuano sa sex kay kayat o pakighilawas. Nganong nahimo man kini nga hilas kung hisgutan na? Adunay dako’ng kontribusyon niini ang Simbahan’ng Katoliko. Gi-isip ang paghisgot sa kayat o pakighilawas isip law-ay nga binuhatan kung hisgutan sa mga dili pa minyo o kun hisgutan sa publiko o sa kinatibuk-an law-ay kini nga hisgutanan.

Ang paghikaw sa paghisgot kabahin sa kayat o pakighilawas sa mga istorya (pormal man o inpormal) moresulta kini sa dugang pagka-kuryoso sa mga tawo og hisgutan sa hilum na hinuon. Ang paghisgot unya sa hilum, makapakuyanap sa sayop mga mga pagtuo kabahin niini og dili na matul-id ang maong mga pagtuo.

Apil napud niini ang sistema sa eduksyon. Walay sex education nga tukma sa edad ang atong edukasyon. Isip importante nga topic sa kinabuhi nga angay lakbitan, nahimong ignorante ang mga tawo kabahin niini. Dili na hinuon mahisgutan og makat-onan. Resulta ika-uwaw nga topic, hilasan ang mga tawo maghisgot, ug kadtong mga nahi-agum sa sayong pakighilawas kanunay nga i-bully. Mga paet nga consequences sa pagka-ignorante sa maong hisgutanan.

Apil usab ang traditional mass media (radio, telebisyun, newspaper) ug social media nga maoy tigpakuyanap sa maong sayop nga mga pagtuo o konserbstibo nga mga panglantaw. Ang topic sa pakighilawas gihimong kataw-anan. Ang resulta, kung unsay mabasahan, madunggan, makit-an mao na hinuon ang mamahimong tamdan sa katawhan, labi na sa mga kuryuso nga mga kabatan-onan.

Sex sa magkapareho og sekso

Kay hilas man ang paghisgot niini, ang pakighilawas sa managpareho og sekso (lalaki sa lalaki ; babae sa babae ; lalaki ug bayot ; babae ug tomboy) mas mosamot ang ubos nga pagtan-aw sa sex isip kabahin sa kinabuhi. Puro diskriminsyon, kauwaw ug mga immoral nag pulong ang madunggan.

Busa, dili ika-tinga nga sa dihang ang bidyo nigawas kabahin sa mga lalaki nga nag-portray og pakighilawas sa isig ka lalaki o sa mga LGBTQ community, daghan ang dili-komportable niini; daghan ang gihilasan, gibidli-an sa usa ka realidad nga kabahin na sa atong pakigharong sa kinabuhi.

Ang atong mga kaigsu-unan nga adunay lahi og kinaiyanhong matang (sexual orientation) ug hiyas sa pagkatawo (gender identity) adunay katungod sa pagreklamo niini, lain-lain man og pagdawat ang mga tawo sa mao nga bidyo, angay pud kini i-respeto. Dako pud akong kalipay sa pagkamapahi-ubsanon sa mga hingtungdan pinaagi sa public apology nga ilang gipagawas.

Mamahimo unta kini nga leksyon kanato'ng tanan aga adunay panginahanglan nga magtuki kabahin sa sexual and reproductive health and rights ug i-respeto ang atong katungod nya hisgutan kini.


Artikulo nga adunay susama og punto, pwede sundan: Hirit: Termino ug pagbiay-biay

Part. 2 #LockdownMusings #Covid19photography

Paghinumdum

Gusto ko maglupad-lupad

Pero wala pako’y pako

Niadtong gabhiuna, pwerte nakong pagkagamhana

Naabot kos imong dughan 

bisan wa nako planoha

Ngano mani ang atong mga damgo, 

isog man kaayo?

Ang langgam gani, mangita gyud og kahoy nga katugpahan; dahon nga kapasilungan

Apan matulimbang kung dili ka kapangandam

Tungod ba kaha nga dili siya usahay kaharong sa hangin’ng amihan?

Dili diay pwede nga mag-uyon uyon na lang kung unsay ihung-hung sa hanging amihan?

Nga bag-ohay lang nimo gipahuwayan

Mayo 20, 2020

4:09pm

(Litrato panahon sa trahedya; paghandum samtang adunay kabalaka)  

Part. 1 #LockdownMusings #Covid19photography

Duha Ka Tuig Nga Sumada

Ganahan ko sa lugar diin asa ko karon

Tinuig ang paghikawa; tinuig pud ang paghandom

Pwede hinumduman ang mga miagi

Samtang nagpaabot nga ang pultahan nga pirmi 

Ko ablihan, ana-a siya nag-atang ug ga-dungaw

Nganong kinahanglan pa man gayud hinumduman

Niadtong panahona, adunay higayon wala malabay ang basura

Apan dili ika-tinga, daghan ang mga higayun

Kanunay mangatagak ang mga buwak sa kalachuchi

Nga wala damha

Panahon sa kagabhiun nga mapahiyumon 

Mokalit lang ka og hinuktok

Samtang ang ballpen nga iyang gikuptan

Ug ang papel nga imong gihawiran

Nagpaabot nga atong mamarkahan

Ganahan ko sa lugar diin asa ko karon

Kung sayo ang imong pagbangon

Kantahan ka sa mga langgam nga panagsa ra manugpa

Kay niadtong panahona

Igo na ang pipila ka oras sa pagpiyong 

Bisan mao pa ang imong pagtugpa

Mayo 20, 2020

3:30pm 

(Litrato panahon sa trahedya; paghandum samtang adunay kabalaka) 

#COVID19 #COVID19Ph #Balak #Bisdak